|
||||||||||||||||||||||||
|
L-Istatwa ta’ Santa Marija Tagħlaq 50 Sena magħna  |
||||||||||||||||||||||||
|
Kitba ta' D. Gorg Vella
|
||||||||||||||||||||||||
|
Ħamsin sena ilu,
il-Parroċċa taż-Żebbuġ
kellha x-xorti li
tara statwa ġdida
ta’ Santa Marija,
tittellgħa fuq pedestall
sabiħ fil-pjazza
quddiem il-Knisja
Arċipretali, sewwa
sew ħdejn is-salib
li ilu jiddomina
din il-pjazza għal
ħafna snin. Il-parruċċani
Żebbuġin kien ilhom
ħafna bix-xewqa
li jkollhom statwa
sabiħa tal-Assunta
ħalli din tittellgħa
fuq pedestall fil-jiem
tal-festa. L-istatwa
ta’ Santa Marija
ġewwa l-Knisja kien
ilha li saret mitt
sena, fi żmien il-Kappillan
Dun Ġwann Camilleri
li wara sentejn
li dam imexxi l-parroċċa
taż-Żebbuġ, ġie
trasferit bħala
arċipriet għall-parroċċa
tax-Xagħra u wara
għall-parroċċa tan-Nadur
għax kien iben din
il-parroċċa tan-Nadur.
L-istatwa li issa
ilha fostna 150
sena u hija mill-isbaħ
u x’ħin tkun quddiemek
tfakkrek fis-sbuħija
tal-Madonna kemm
internament kif
ukoll esternament
. Għalhekk fis-snin
sittin, il-Komunita’
Parrokkjali Parrokkjali
taż-Żebbuġ kellha
x-xewqa li ssir
statwa biex biha
ssir dimostrazzjoni
u wara tiġi mtellgħa
fost il-kant ferriegħi
ta’ innijiet Marjani
fuq pedestall fil-pjazza.
Fil-fatt f’diversi
parroċċi fosthom
fil-Belt Victoria,
diġa kellhom l-istatwi
għal dan il-għan.
Naturalment kien
hemm bżon finanzi
u għalhekk kien
meħtieġ li jinstabu
benefatturi li jagħtu
l-għajnuna tagħhom
għall-ispejjes li
kien hemm bżonn.
Nafu wkoll li ftit
qabel kienu saru
żewġ statwi biex
iżejnu l-pjazza.
Dawn kienu ta’ Sant’Anna
u San Ġwakkin, il-ġenituri
tal-Madonna, għal
xi snin qabel ma
saret l-istatwa
ta’ Santa Marija,
l-istatwa ta’ Sant’Anna
kienet issir dimostrazzjoni
fi Triq il-Knisja
u kieent takkumpanja
orkestra ċkejkna
li kienet tiffurmata
mis-Surmast Toni
Malli,a organista
tal-parroċċa li
xi snin qabel kien
waqqaf l-okrestra
li kienet u għadha
tieħu sehem fil-funzjonijiet
tal-Knisja. Il-poplu
taż-Żebbuġ għalhekk
iżjed kellu xewqa
kbira li jara statwa
ta’ Santa Marija
sabiex tikber il-festa
tal-Patruna tagħna.
Għal dan il-għan,
il-Madonna donnha
kienet trid li din
ix-xewqa tal-devoti
tagħha issir realta’.
Benefattur għal
din l-opra ġdida
tfaċċa fostna. Il-Kappillan
li kien imexxi l-parroċċa
kien Dun Franġisk
Merceica li ra li
l-poplu jixtieq
li jkollu din l-istatwa
ġdida. Għalhekk
feraħ ħafna meta
Luiġi Zammit u l-familja
tiegħu qalulu li
se jindaħlu għall-ispejjes
biex issir l-istatwa
u għalhekk ġiet
ordnata malajr għand
l-istatwarju l-Kav.
Komm. Wistin Camilleri
mir-Rabat, statwarju
magħruf għall-kapaċita’
tiegħu u għat-talenti
li bihom żejnu Alla
għal dan ix-xogħol
tant delikat. Wistin
Camilleri aċċetta
li jagħmel din l-istatwa
bil-patt li din
tkun imitazzjoni
tal-istatwa li għandna
fil-Knisja.
Għal din l-istatwa kien jeħtieġ li jsir ukoll il-pedestall li fuqu tiġi mtellgħa. Għal dan kienu jeħtieġu ħafna spejjes, iżda sar appell għall-għajnuna u ndaħal biex jiġbor il-flus Ċensu Saliba, li kien jgħin ħafna lill-Knisja kemm fl-armar ta’ ġewwa kif ukoll fl-armar ta’ barra. Instab ukoll benefattur li offra mitt lira li dak inhar, ħamsin sena ilu, kienet offerta mill-iktar ġeneruża. Dan il-benefattur kien Manwel Grech mir-Rabat li kien kuljum jitla’ ż-Żebbuġ biż-żiemel, jixtri l-bajd, ġobon, tiġieġ, fniek. Dan il-benefattur kien ta’ kuraġġ għalina u Ċensu Saliba beda jdur mar-raħal u jiġbor għall-ispejjes ta’ din l-opra li kellha ssir u tibqa’ titgawda għas-snin li jiġu wara. Ix-xogħol biex isir dan il-pedestall indaħal għalih Toni Mallia flimkien ma’ ibnu Ġużeppi li għall-grazzja t’Alla għadu fostna mimli bil-għomor u li għal ħafna snin kompla kull sena jieħu ħsieb jarma dan il-pedestall. Id-disinn tiegħu sar mill-istess statwarju Wistin Camilleri u li ddirieġa x-xogħol delikat tiegħu. Ix-xogħol kemm tal-istatwa kif ukoll tal-pedestall beda u tkompla b’rittmu mgħaġġel. Il-poplu taż-Żebbuġ b’ħeġġa kbira kien qiegħed jistenna li ssir din l-opra sabiħa biex tkompli żżejjen il-pjazza ewlenija tal-parroċċa f’dawn il-ġranet sbieħ tal-festa. Fuq kollox biex issir manifestazzjoni sabiħa bl-istatwa tal-Assunta mat-toroq prinċipali tal-parroċċa waslet is-sena 1962 jiġifieri ħamsin sena ilu, meta l-istatwa telstiet u kellha tasal fostna u tibqa’ magħna għal matul is-snin li jiġu wara. Ix-xahar ta’ Awwissu wasal ukoll u kellha tkun din il-festa ta’ Santa Marija ta’ din is-sena li naraw l-istatwa lesta u tidħol fil-parroċċa biex tiddomina l-pjazza quddiem is-Santwarju Marjan iddedikat sa mill-qedem lill-Verġni Marija Mtellgħa fis-sema bir-ruħ u bil-ġisem u nkurunata Sultana tas-sema u tal-art. Waslet fostna u kulħadd laqagħha bil-ferħ u bl-entużjażmu kbir u hekk ix-xewqa tal-poplu tagħna li jkollu din l-istatwa tal-Assunta saret realta’. Verament l-istatwarju l-Kav. Wistin Camilleri ġie mfakkar għall-kapaċita’ u l-ħila tiegħu għax-xogħol mirqum f’din l-istatwa li huwa għamel għaliex kienet imitazzjoni perfetta tal-istatwa ta’ Santa Marija li żżejjen il-knisja tagħna. Kulħadd feraħ meta ra l-istatwa fostna iżda zgur l-akbar bniedem ferħan biha kien dak il-benefattur li għoġbu jħallas l-ispejjes għaliha, Luiġi Zammit u naturalment il-familja tiegħu. Il-pedestall għall-istatwa li kien qed jinħadem minn Toni Mallia u ibnu Ġużepp kien ukoll mistenni b’ħerqa kbira mill-poplu kollu. Ix-xogħol tiegħu kien miexi b’rittmu mgħaġġel ħalli jekk jista’ jkun l-istatwa tkun tista’ titqiegħed malli tkun lesta. Spiss konna mmorru naraw f’hiex wasal ix-xogħol tiegħu li kien delikat ħafna u kumplikat. Iżda bil-għajnuna t’alla u tal-Madonna kellna x-xorti li naraw ukoll din l-opra sabiħaiżżejjedn il-pjazza tagħna. Għalkemm dan il-pedestall ma tlestiex għal kollox billi fih ħafna skultura u ornamenti, iżda seta’ jintrema biex anke fis-sena 1062 għall-ewwel darba naraw ix-xbieha ta’ Marjia Assunta Mtellgħa fuqu u tiddomina din il-pjazza sabiħa. Saru l-arranġamenti kollha u fil-ġranet tal-preparazzjoni għall-festa Toni flinkien ma’ ibnu Ġużepp u voluntieri armaw għall-ewwel darba dan il-pedestall sabiħ. Dak kollu li kien jonqsu biex dan ikun komplet minn kollox sar fis-snin ta’ wara. Madwar il-pedestall saru wkoll l-istatwi ta’ San Mikiel Arkanġlu li tħallset minn Toni Cini, l-Arkanġlu San Rafel li tħallas minn Ġużeppa u żewġha Anġlu Axiaq u żewġ arkanġli oħra li tħallsu minn diversi benefatturi. Fuq nett tal-pedestall inxtraw 4 settijiet globi sbieħ u madwar il-pedestalli sar kanċell tal-ħadid u hekk stajna naraw opra oħra tant sabiħa li żejnet il-pjazza ewlenija tagħna. Waslet il-ġurnata tal-Ġimgħa. Jum id-Dimostrazzjoni, Jum mistenni minn tant Żebbuġin li jħobbu tant il-festa u li offew għajnuna kollha li setgħu biex tista’ ssir din l-opra sabiħa. Għal din l-okkażjoni Toni Mallia, surmast tal-orkestra tal-parroċċa, ikkompona l-mużika għall-innu sabiħ li nkiteb minn Mons. Dun M’Anġ Apap mix-Xagħra biex dan l-innu jitkanta flimkien mal-innu ‘Ave Maria’ waqt li l-istatwa tkun tielgħa bil-mod il-mod għal fuq il-pedestall maestuż tagħha. Dan l-innu ferrieħi flimkien mal-Antifona lil Santa Marija li snin qabel Toni kien ikkompona l-mużika tagħha, kienu żgur tifkira memorabbli ta’ dan il-bniedem li tant ħabb il-kant u l-mużika u li għal aktar minn ħamsin sena ħadem ix-xogħol ta’ sagristan b’tant sagrifiċċji li kellu jwettaq iżda li hu kien iddedikat għal il-ħidma fejjieda fil-Knisja. Tajjeb li niftakru fih waqt li nkunu nkantaw dan l-innu u tant innijiet oħra li hu ħallielna biex bihom infaħħru lill-Mulej u lil Ommu Marija u nitolbu sabiex il-parroċċa jkompli jkollha membri ħajjin u mimlijin bl-ispirtu Marjan u hekk l-imħabba lejn Alla u lejn il-Verġni Ommu tkompli tixgħel fil-qlub ta’ tant tfal u żgħażagħ. Żgur li dan l-innu Marjan waqt li tkun qed tittellgħa fuq il-pedestall l-istatwa ta’ Santa Marija jferraq u jentużjażma lil dawk kollu li jkunu preżenti u mill-qalb toħroġ tislima ħelwa lill Verġni Ommna Marija Assunta. Kull min kien preżenti dak il-jum tal-Ġimgħa fis-sena 1962 tal-festa ta’ Santa Marija, ra xewqa kbira isseħħ u żgur li kulħadd irringrazzja bil-qalb lill-Madonna għal kull għajnuna li tat lil tant qlub ġenerużi li offrew kull offerta li setgħu biex issir din l-opra sabiħa. Ħafna ħadu sehem fid-dimostrazzjoni li saret, akkumpanjata minn banda Għawdxija (li jiena ma niftakarx sewwa liema kienet) u wara li daret mat-triqat prinċipali tal-parroċċa fost il-kant ta’ innijiet ġiet imtellgħa fuq dak il-pedestall u hekk għall-ewwel darba sebbħet il-pjazza li llum hija Pjazza l-Assunta u żgur li minn dak il-għoli b’idejha ħaddnet u bierket il-familji sabiex jibqgħu familji sodi u tajbin ħalli jkomplu jżejnu l-parroċċa b’ulied ġodda u Nsara taħt il-ħarsien matern ta’ din l-Omm ħanina u setgħana. Nixtieq insemmi ukoll li f’din l-ewwel sena, is-sellum biex tittellgħa fuq il-pedestall ma laħaqx sar. Iżda l-parroċċa tal-Għarb kienet ġeneruza magħna u selfitna s-sellum meħtieġ. Dan is-selum sar matul is-sena ta’ wara kif ukoll dak kollu li kien jonqos biex il-pedestall jissebbaħ dejjem iktar, sar matul is-snin ta’ wara bil-għajnuna ta’ tant benefatturi li komplew joffru kull ma jistgħu għall-ispejjes li kienu meħtieġa. Matul s-snin ukoll sar xi restawr speċjalment ġie miżbugħ kif narawh illum, għaliex qabel kien miżbugħ aktar kulur ċelesti. Nafu li ż-żminijeit jinbidlu u j’Alla kull tibdil li jsir ikun dejjem għall-aħjar. Il-benefattur tal-istatwa Luiġi Zammit kellu x-xewqa li din l-istatwa jżommha d-dar tiegħu. Talab lill-Kappillan Dun Franġisk Mercieca u urieh din ix-xewqa tiegħu. Il-Kappillan Mercoeca ħasibha sewwa kif dejjem kien jagħmel kull meta xi ħadd jitolbu għal xi ħaġa u tah il-permess li jżommha d-dar bil-patt li ma jkollu ebda dritt fuqha għaliex opra mogħtija lill-Knisja ma jkollok ebda dritt għaliha, bil-patt li jieħu ħsiebha sewwa jekk ikollha bżonn xi manutensjoni jieħu ħsieb hu għaliha u li dan il-permess jingħata lilu personali u ħadd dritt għaliha. Luiġi l-benefattur ħa pjaċir li ser ikollu dan il-privileġġ li opra bħal din iżommha fid-dar tiegħu. Għalhekk ta’ kull sena l-għada tal-festa l-istatwa kienet tittieħed id-dar ta’ Luiġi u kien ipoġġiha fl-isbaħ kamra li kellu. Damet tittieħed id-dar tiegħu mhux biss sa kemm hu mar fi ħdan Alla nisperaw igawdih u jgawdi lill-Verġni Marija iżda wkoll sakemm bintu Marija damet toqgħod id-dar, għaliex fl-aħħar snin kellha tmur tgħix ma’ ħuha Ġużepp ġewwa Malta. Għalhekk l-Arċipriet Dun Alwiġ Vella ħa l-istatwa l-Knisja u għamlilha niċċa fis-sagristija. Damet hemm sas-sena 1996. L-Arċipriet li mexxa l-parroċċa warajh il-Kan. Dun Noel Saliba ra li l-istatwa tittieħed fiċ-ċentru parrokkjali u rranġa niċċa f’dan il-lokal. Illum kull min jidħol fiċ-ċentru parrokkjali fi pjazza l-Assunta jista’ jara din l-istatwa sabiħa ta’ Marija Assunta li għam matul dawn il-ħamsin sena li għaddew fil-festa ta’ Santa Marija li tiġi ċċelebrata fil-parroċċa taż-Żebbuġ, il-Ħadd li jiġi wara l-15 ta’ Awwissu, dejjem ġiet imtellgħa fuq il-pedestall sabiħ tagħha u bħala Sultana u Patruna tal-parroċċa tkompli dejjem timla bil-ferħ u l-paċi lil dawk kollha li jridu jgħixu sewwa l-ħajja verament Nisranija. Fil-ħafna snin li għaddew kien ikollna nġibu banda barranija sabiex takkumpanja din l-istatwa tal-Madonna f’dimostrazzjoni mal-parroċċa. Illum għall-grazzja ta’ Alla, għandna l-Banda tal-Parroċċa, il-Banda ‘Santa Marija; li qed tieħu ħsieb din id-dimostrazzjoni u nitolbu sabiex it-tfal u ż-żgħażagħ li telgħin li huma l-futur ta’ pajjiżna jkomplu dejjem iktar jitħeġġu sabiex kemm l-orkestra li tieħu sehem attiv fil-funzjonijiet liturġiċi u kemm il-Banda ‘Santa Marjia’ li tagħti s-sehem tagħha f’diversi festi tal-parroċċa jkomplu jissaħħu u jikbru sabiex bis-sehem tagħhom fil-komunita’ parrokkjali taħt il-ħarsien ta’ Marija Assunta Inkurunata tibqa’ dejjem vera komunita’ ta’ fidi, komunita’ Nisranija li twelled dejjem ulied ġodda lill-Knisja tagħna. Fuq kollox nitolbu għall-bżonnijiet tal-familja magħquda, familja skont il-qalb t’Alla u skont il-qalb tal-Verġni Marija u l-qalb tal-Binha Ġesu’. Inħarsu lejn Marija Omm u Sultana tagħna mhux biss fil-festa tagħha imma kuljum u nitolbuha sabiex tibqa’ hija Reġina tal-qlub tagħna biex flimkien ma’ Ġesu’ u ukoll ma’ San Ġużepp l-Għarus Purussimu u Missier Putattiv ta’ Ġesu’ nibqgħu niċċelebraw kif jixraq il-festi sbieħ bi spirtu ferrieħi u fuq kollox bi spirtu Nisrani kif trid il-Knisja u hekk ikollna garanzija li ħajjitna tkun tassew kif trid u tixtieq minnha l-Verġni Assunta Inkurunata. O Verġni Marija Assunta Ħares u iddefendi l-familji kollha U biegħed minna kull ħażen. Dan l-artiklu deher fir-Rivista 'L-Gholja taz-Zebbug' 2012 |
||||||||||||||||||||||||
| Previous | Next | |||||||||||||||||||||||
