|
|
|
|
Festa Solenni F’ġieħ il-Verġni Marija
Assunta Inkurunata, Awwissu 2022
|
|
|
|
|
|
IS-SIBT
6 TA' AWWISSU
l-ewwel jum tal-kwindiċina: fil-Parroċċa tagħna
saret quddiesa ta' fejqan - (healing mass) - immexxija minn Patri
Marcello Ghirlando OFM assistit mill-Arċipriet Dun Gwann Sultana.
Il-HADD 7 TA' AWWISSU
it-tieni jum tal-kwindiċina: fil-parroċċa tagħna
fil-5.00pm saret quddiesa mill-Arċipriet Kan. Gwann Sultana bis-sehem
tat-tfal. F'din il-quddiesa saret ukoll il-prezentazzjoni tat-trabi
u t-tfal lil Santa Marija mill-Arċipriet.
Wara saret purċissjoni
bl-istatwa ta' Santa Marija tat-tfal madwar it-toroq tar-raħal tagħna.
IT-TNEJN 8 TA' AWWISSU
it-tielet jum tal-kwindiċina: fil-parroċċa tagħna
fis-7.00pm saret konċelebrazzjoni solenni animata mill-korijiet
tal-parroċċa u mmexxija minn Dun Frankie Mallia assistit minn Dun
Krystof Buttigieg. Ħadu sehem il-membri tal-Leġjun ta’ Marija, M.U.S.E.U.M.
u Katekisti.
IT-TLIETA 9 TA' AWWISSU
ir-raba jum tal-kwindiċina: fil-parroċċa tagħna
fis-7.00pm saret konċelebrazzjoni solenni animata mill-korijiet
tal-parroċċa u mmexxija minn Fr. Joe Borg M.S.S.P. assistit mill-Arċipriet
Dun Gwann Sultana.
Fi tmiem din il-funzjoni ġie amministrat is-Sagrament tad-Dilka
tal-Morda lill-anzjani u lill-morda mill-parroċċa tagħna.
L-ERBGĦA 10 TA' AWWISSU
il-ħames jum tal-kwindiċina ddedikat lil kontributuri
ta’ Radju Għażżiela, LIVE Streaming, websajts fil-parroċċa, rivista
u mezzi oħrajn. Fil-parroċċa tagħna fis-7.00pm saret konċelebrazzjoni
solenni animata mill-korijiet tal-parroċċa u mmexxija minn Fr. Louis
Mallia MSSP assistit mill-Arċipriet Dun Gwann Sultana.
Fi tmiem ta' din il-quddiesa, is-Sinjura Salvina Cardona li toqgħod
fi Triq Sant' Indrija rregalat lil Parroċċa 'PURIFIKATUR' maħdum
minnha mill-bizzilla b'tifkira tal-memorja ta' żewġha Louis.
IL-ĦAMIS 11 TA' AWWISSU
is-sitt jum tal-kwindiċina ddedikat għall missjunarji
mill-parroċċa taż-Żebbuġ. Fil-parroċċa tagħna fis-7.00pm saret konċelebrazzjoni
solenni animata mill-korijiet tal-parroċċa u mmexxija minn Fr. Domenic
Cachia MSSP, assistit mill-Viċi Parrokku Dun Krystof Buttigieg u
l-Arċipriet Dun Gwann Sultana.
IL- ĠIMGĦA 12 TA' AWWISSU
is-seba` jum tal-kwindiċina. Fil-parroċċa tagħna,
fis-6.30pm saret konċelebrazzjoni solenni animata mill-korijiet
tal-parroċċa u mmexxija mill-Kan. Emmanuel Saliba, assistit mill-Viċi
Parrokku Dun Krystof Buttigieg, bis-sehem tal-Kumitat Ċentrali tal-Festa,
l-Għaqda tan-Nar, l-Għaqda tal-Armar, is-Soċjeta Filarmonika Santa
Marija, il-Grupp Voluntiera u Tindif fil-Knisja, l-Għaqda Qniepen,
iż-Żebbuġ Rovers F.C. u dawk li jqassmu l-bullettini.
Fi tmiem il- konċelebrazzjoni solenni sar il-ħruġ tal-istatwa ta’
Santa Marija min-niċċa tagħHa bis-sehem tal-Banda Santa Marija fost
il-kant tal-innijiet u ċapċip bla waqfien minn dawk preżenti.
IS- SIBT 13 TA' AWWISSU
it-tmien jum tal-kwindiċina - jum iddedikat għal
vokazzjonijiet. Fil-parroċċa tagħna, fis-7.00pm saret konċelebrazzjoni
solenni animata mill-korijiet tal-parroċċa u mmexxija mill-Kan.
John Muscat, assistit mill-Viċi Parrokku Dun Krystof Buttigieg.
IL- ĦADD 14 TA' AWWISSU
id-disa` jum tal-kwindiċina ddedikat liż-Żgħażagħ.
Fil-parroċċa tagħna, fl-10.30am saret konċelebrazzjoni solenni animata
mill-korijiet tal-parroċċa u mmexxija minn Dun Krystof Buttigieg.
IT- TNEJN 15 TA' AWWISSU
FESTA NAZZJONALI TAT-TLUGĦ FIS-SEMA TA' MARIJA
l-għaxar jum tal-kwindiċina. Fil-parroċċa tagħna, fl-10.30am saret
is-Solennita tal-Assunzjoni tal-Madonna, animata mill-korijiet tal-parroċċa
u mmexxija mill-Arċipriet Kan. Ġwann Sultana.
IT- TLIETA 16 TA' AWWISSU
il-ħdax il-jum tal-kwindiċina. Fil-parroċċa tagħna,
fis-6.30pm saret konċelebrazzjoni solenni animata mill-korijiet
tal-parroċċa u mmexxija mill-E.T. Mons. Isqof Anton Teuma li fiha
ta d-don tal-Ispirtu s-Santu fis-sagrament tal-Konfirmazzjoni lill-adolexxenti
mill-parroċċa tagħna.
L- ERBGĦA 17 TA' AWWISSU
l-Ewwel Jum tat-Tridu. Fil-parroċċa tagħna, fis-7.00pm
saret konċelebrazzjoni solenni animata mill-Korijiet u l-Orkestra
tal-Parroċċa u tmexxiet minn Dun Dominic Sultana, Kappillan tal-Għasri.
L-Omeliji tat-Tridu qed isiru mill-Kan. Emmanuel Saliba. Sar ukoll
diskors minn Fr. Joseph Attard fl-okkażjoni tal-ewwel ċentinarju
minn meta l-Parroċċa taż-Żebbuġ saret Matriċi bit-twaqqif tal-Parroċċa
tal-Għasri.
Fi tmiem il-programm mużikali mill-Banda Santa Marija, li sar wara
fi pjazza l-Assunta, saret l-inawgurazzjoni tal-Inkwatru Titulari
tal-knisja tagħna wara ix-xogħol ta` restawr li sar fuqu mid-ditta
RECOOP.
IL-ĦAMIS 18 TA' AWWISSU
It-Tieni Jum tat-Tridu. Fil-parroċċa tagħna, fis-7.00pm
saret konċelebrazzjoni solenni animata mill-Korijiet u l-Orkestra
tal-Parroċċa u mmexxija mill-Arċisqof Emeritus l-E.T. Mons. George
Frendo OP. L-omelija saret mill-Kan. Emmanuel Saliba.
IL-ĠIMGĦA 19 TA' AWWISSU
It-Tielet Jum tat-Tridu. Fil-parroċċa tagħna, fis-7.00pm
saret konċelebrazzjoni solenni animata mill-Korijiet u l-Orkestra
tal-Parroċċa u mmexxija mill-Kan. Reuben Micallef. Għal din is-Solennita
kienu mistiedna l-koppji li żżewġu matul din is-sena u oħrajn li
qegħdin ifakkru l-għaxar, il-ħamsa u għoxrin u l-ħamsin anniversarju
taż-żwieġ. L-omelija saret mill-Kan. Emmanuel Saliba.
IS-SIBT 20 TA' AWWISSU
Lejliet il-Festa. Fil-parroċċa tagħna, fis-7.00pm
saret konċelebrazzjon solenni animata mill-Korijiet u l-Orkestra
tal-Parroċċa u mmexxija mill-Kan. Geoffrey G. Attard. Għal din is-Solennita
kienu mistiedna ż-Żebbuġin li joqgħodu f'lokalitajiet oħrajn.
IL-ĦADD 21 TA' AWWISSU
Jum il-Festa. Fid-9.00am Konċelebrazzjoni Sollenni
Pontifikali mmexxija mill-E.T. Mons Anton Teuma, Isqof t'Għawdex.
Fis-7.00pm, Ħruġ tal-Purċissjoni mmexxija minn Mons. Franġisk Sultana
u akkumpanjata mill-Banda Santa Marija taż-Żebbuġ.
IT-TNEJN 22 TA' AWWISSU
Jum ta' Radd il-Ħajr. Fis-7.00pm saret konċelebrazzjoni
mmexxija minn Fr. Frankie Cini MSSP u assistit mill-Arċipriet Kan.
Ġwann Sultana flimkien ma' Fr. Victor Zammit u Fr. Marċel Portelli
MSSP.
Wara sar id-dħul ta' Santa Marija lura fin-Niċċa.
Kitba ta': George Joseph Cefai, b’arranġament ta’ Redentine
Formosa
Ritratti ta': George Joseph Cefai, Matthew Vella, Carmel Saliba,
John Sultana, u Nicholas Cassar. (Iktar ritratti jistghu
jinstabu fuq il-Pagna ta' Facebook: Zebbug Gozo Parish)
|
|
|
Previous |
Next |
|
|