|
||||||||||||||||||||||||
|
Quddiesa Solenni Ta' Radd Il-Ħajr Lil Alla Għad-Don Tas-Saċerdozju Mmexxija Minn Dun Joseph Attard  |
||||||||||||||||||||||||
 |
||||||||||||||||||||||||
|
Nhar is-Sibt 13 ta' Awwissu, fil-Knisja parrokkjali tagħna ser tinżamm quddiesa solenni mmexxija mis-saċerdot żgħażugħ Żebbuġi, Dun Joseph Attard,
b'ringrazzjament lil Alla għad-don tas-saċerdozju li hu rċieva f'Mejju li għada.
Inħeġġukom ħafna tingħaqdu mal-korteo li ser jitlaq mid-dar tiegħu fi triq Għajn Mhelhel fis-6.00pm, akkumpanjat mill-Banda Santa Marija taż-Żebbuġ li jasal sal-knisja parrokkjali. Fis-7.00pm imbagħad ikun hemm il-Konċelebrazzjoni Solenni fil-Knisja bis-sehem tal-Orkestra Santa Marija u l-Kor Santa Marija. Ser tiġi esegwita għall-ewwel darba l-quddiesa Missa Assumpta Est Maria (2016) ta' Mro Franco Cefai. Fi tmiem il-quddiesa jkun hemm il-bews tal-idejn ikkonsagrati tas-saċerdot novell, minn dawk preżenti. Wara, għal dawk mistiedna, ser ikun hemm ukoll riċeviment fi Pjazza l-Assunta. Inħeġġu lil kulħadd biex jingħaqad magħna għal din il-quddiesa, avveniment importanti ħafna għar-raħal tagħna. Minn qalbna filwaqt li nirringrazzjaw lil Dun Joseph tal-impenn u l-enerġija kontinwa li hu dejjem wera u għadu juri b'risq ir-raħal tagħna, minn qalbna nawgurawlu: AD MULTOS ANNOS!  Kitba ta': Redentine Formosa Ritratti: L-invit ufficjali ta' Dun Joseph Attard. |
||||||||||||||||||||||||
| Previous | Next | |||||||||||||||||||||||
