|
Ordinazzjoni Saċerdotali
Nhar il-Ġimgħa, 20 ta' Mejju, 2016, fis-6:30 p.m., fil-Knisja Katidrali
fir-Rabat Għawdex, ser issir l-Ordinazzjoni Saċerdotali tad-Djaknu mill-paroċċa
tagħna Joseph Attard. Kulħadd huwa mistieden
għal din iċ-ċelebrazzjoni. Dawk li huma interessati li jattentu u jixtiequ li
juzaw t-transport organizzat mill-parroċċa għandu jikkonferma dwar dan mal-Arċipriet jew mad-djk.
Joseph (Mob: 99293427).
Velja ta' Talb fis-Seminarju
Għal darb'oħra ser ikun hemm Velja ta' Talb fis-Seminarju Maġġuri t'Għawdex bis-sehem
tad-djaknu Joseph Attard. Din iċ-ċelebrazzjoni li tkun sabiħa ħafna imżewwqa bil-kant u t-talb
ser issir il-Ħamis 19 ta' Mejju 2016 fid-8.00pm bi tħejjija għall-ordinazzjoni.
Nisimgħu ukoll it-talba tas-Seminarista tal-Parroċċa tagħna. Tkun ħaġa xierqa li nakkumpanjawh anke f’dan il-mument.
L-Ewwel Quddiesa Solenni
L-għada s-Sibt, 21 ta' Mejju fil-quddiesa tas-7.00pm fil-Knisja Parrokjali taż-Żebbuġ Dun Joseph jiċċelebra l-Ewwel Quddiesa Solenni
tiegħu fil-Paroċċa tagħna.
Quddiesa Solenni ta' Radd il-Ħajr
Iktar qrib il-festa ta' Santa Marija fil-Paroċċa tagħna, Dun Joseph ser jiċċelebra l-Quddiesa Solenni ta' Radd il-Ħajr għad-don tas-Saċerdozju fil-parroċċa taż-Żebbuġ.
Din il-Quddiesa Solenni ser issir is-Sibt, 13 ta' Awwissu 2016. Aktar informazzjoni f'dan ir-rigward tingħata 'il quddiem.
Sa dan it-tant nawguraw l-isbaħ xewqat lid-Djaknu Joseph Attard u nkomplu nakkumpanjawh bit-talb tagħna.
Kitba ta': Redentine Formosa
Ritratti ta':
Djk. Joseph Attard
|
|